مـا (كل) من يضحك بدنياه (مسرور)

[الموهوب22]

ما كل من يضحك بدنيـاه مسـرور
لو ضحكته دايـم تحـرك حجاجـه
وما كل من يبكي من الناس مقهـور
بعض الدموع رخاص من شان حاجه
وما كل صادق لو حكا لك من شعور
يا كثر من زيف المشاعـر خراجـه
وما كل ما يخفا من السـر مستـور
بعض الوجيه ابين من ارهف زجاجه
وما كل بيتٍ بابه انصـك مهجـور
كم بيتٍ اطفا الشح واهـج سراجـه
وما كل وردٍ تزرعه ينثـر عطـور
لو ماه صافي مـا يخالـط هماجـه
وما كل مرهف قلب لو يزرع زهور
قلب يحب الورد وهو مثـل صاجـه
وما كل من يخطي من الناس معذور
البعض يخطي من علـوم العواجـه
وما كل من يسكت على الظيم مجبور
لجل الغلا ساكت ويدعـي انفراجـه
وما كل راسٍ ضيع الفكر مسحـور
كم راس سحرالحب!! جاب ارتجاجه
وما كل عله فادهـا طـب دكتـور
كم من عليلٍ وصل خله ؟! علاجـه
وما كل من شاور حكيمٍ خذا الشـور
بعض البشر مـا يقنـع الا مزاجـه
وما كل من سمي صقر يشبه صقور
كم من صقر وقت الشدايد!!دجاجـه
وما كل فـزاع لجـل مدح؟مشكـور
البعـض مرجلتـه وسامـه وتاجـه

رآقت لي
الموهوب​

 

[طارق2010]

صدق لسان من كتبه ونقله
مشكوووووور والله يعطيك الف عافيه

 

[لمسات انثى]

كلمات في قمة الروعه يسلمو على الطرح الرائع