طلبات حريم ... من الالف الى الياء

[جواد البحر]

طلبات حريم ... من الالف الى الياء

هذي طلبات الحريم اللي ماتخلص لو تعيش مية سنة وهذي طلباتهم من الالف الى الياء كاملة ترى يمكن يصير فيه نقص بس العذر والسموحة هذا اللي قدرت اجمعه منهن

الالف : ابي فلوس بروح معزومة على شاى ضحى

الباء : بكرا ابيك تودين لبيت اهلي عندهم عزيمة

التاء : ترى اليوم انا ماني مسويه عشاء روح للمطعم جيب عشاء
‏
الثاء : ثلاث اسابيع ما طلعنا للملاهي يالله ودنا اليوم

الجيم : جيب خدامه تساعدني بشغل البيت.........(والبيت نص شقة) قهر

الحاء : حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)

الخاء : خل الشله اليوم..انا عازمتك نتعشى بره, بس على حسابك

الدال : دور لنا فله على 3 شوارع وفيها سرداب (الراتب 2500 ريال من وين ياحسرة
الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت

الراء : روح قدم على اجازة خلنا نسافر لاوروبا ,,اووف حر

الزاء : زيد مصروف البيت هذا ما يكفي اغراض البيت (ومعظم البيزات عليها
وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين

الشين : شيل ولدك شفه يصيح هناك,انا تعبت من العيال

الصاد : صفف الملابس هناك منثرة,مليت وانا القط وراك

الضاد : ضبط اوضاعك..ترى كبرت المسؤولية..(توها والدة

الطاء : طالع السيارة سكراب تفشل قديمة, نبي شبح

الظاء :الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس

العين:عيوني..اليوم شفت نفنوف عند زوجة اخوي يجنن...خاطري بواحد مثله

الغين: غير يا اخي اسلوبك معاي...كله برود..حسسني بحبك شوي

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي

الكاف : كفاية ملينا من هالبيت متى راح تسوى لنا بيت اكبر من هذا

اللام : ليمتى بنتم محبوسني في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟

النون : نبى نحجز شاليه شرم الشيخ طول الصيف ..لا تنسى

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك رح عند اخوك خذ منه الورث( راعية مشاكل

الياء : يالله ايدك على 2000 ريال رضاوة..لانك زعلتني وكسرت خاطري
​

 

[متفائل]

atch_rir:
atch_lf:
ههههههههههه
الله يوسع صدرك
يعطيك العافية اخ جواد

 

[أبوأسرار]

atch_rir:atch_rir:atch_lf:atch_rir:atch_rir:وله طلبات حروف هجائيه صح

 

[أبوباسم]

الخاء : خل الشله اليوم..انا عازمتك نتعشى بره, بس على حسابك

ههههههههههههه

طلبات ماتنتهي .. الله يهديهن بس



ويسعدك ربي دنيا وآخرة ياجواد

ع الطرح الرائع والظريف

 

[دنياالأحزان]

طلباتهن يا اخوي اكثر من كده
لكن الله المعين بس
تسلم دياتك اخي جواد البحر
على الموضوع الجميل والشيق

 

[جواد البحر]

 

[أميرالحب]

ههههههههههههههههه
اضحك الله سنك واسعد ايامك ياجواد البحر
واعاننا على طلبات حريمنا ههههههههههه

 

[جواد البحر]

[align=center]السلام عليكم ورحمة الله وبركاته

متفائل
أبو باسم
أبو أسرار
دنيا الأحزان
أمير الحب

تسلم الانامل يارب ولاعدمناك


تحياتي جواد البحر

[/align]