حال الشباب لما يسمعون صوت بنت ..

[ومضة أمل]

بسم الله الرحمن الرحيم​

السلام عليكم ورحمة الله وبركاته ​

حال الشباب لما يسمعون صوت بنت ..​

مو كنت نايم..وفي عالم الاحلام هايم
أدري في شو كنت أحلم
مره أحس إني أسوق سيارة..
ومره أقول كنت مضيف طيارة..
كان الجو بارد..
وكنت متغطي وشارد.. ​

رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وأنا كلي شك وظنون!!
وبـرقة بعد ماكنت عصبي أنا إنسان حنون.. ​

سمعت صوت ماتوقعته.. :
ولا في خيالي تخيلته..
ولا حتى بحلمي سمعته.. ​

بنت.. << ​

قلت هلا
وقالت أهلين..
نورة موجودة؟؟ ​

قلت وأنا صوتي رايح فيها..
لحظه شوي بناديها..
وجلست أصوت وأقول نورة .. ياوين نورة بلاقيها..
ورديت للسماعة وقلت ماأدري وين راحت الله يهديها.. ​

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم إذا ماعندنا بالاسم فلانه.. ​

قالت شكلك كنت نايم..
قلت لا.. توني قايم..
قالت تدرس ؟؟ ​

قلت الدراسه خلاص باح..
إنتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفة والله من مادتين..
قلت من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي إنك ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين.. وجلسنا نسولف في أمور..
من شو اسمك إلين غلاء المهور.. ​

قالت اسمي (ود) وقلت لها أنا محمد..
وقالت صدفة غريبة أسامينا فيها دال..
تصدق كنت أتمنى يسموني نوال!!
تصدقين وأنا كنت اتمنى يسموني جمال ​

وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا.. ​

وبدلع..قالت أنت تشجع النصر؟؟ ​

قلت في قلبي.. ماأدري أجاوبك بكف ولا بنعال..
بالله عليك هذا سؤال؟؟ ​

قلت أنا هلالي.. وما يهمني القيل والقال.. << أحلى
هذا الكوماندوز هذا حبه طاح في القلب ولا ينشال..
والشمس مايغطيها مشخال.. ​

قالت وش معنى الهلال!!..
قلت يا بنت.. الهلال فن ولعب ويفوز باللي حضر..
وجمهوره له كلمة وأمر..
يابنت..لا تغريني بالكثير..
لو تضربين مليون بصفر تساوي صفر.. << احم ​

و احتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا.. ​

قالت.. محمد..
قلت آمري يا ود..
قالت اوصف لي شكلك.. ​

هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني ماني طويل ولا قصير..
شعري ناعم مثل الحرير.. ​

قالت والعيون..
قلت العيون شبرين في ثلاثه اشبار
قالت أسد..
قلت شكرا يا أحلى شهد ​

المهم إنا تواعدنا..
والموعد في المول قررنا..
بين خوف وأمل تواعدنا.. ​

وقضيت ليلتي في حيرة..
وش ألبس؟؟ جنز ولا كندوره والله حيرة..
مافي غيرها يفك الحيرة.. شيشة و تعميرة.. ​

ورجعت للبيت أعاتب أمسي وابتسم لغدي.. ​

وبصعوبة نمت.. قعدت أتقلب وون..
يا قلبي قلي شو اللي من الحب أهون؟؟ ​

غريبة هالدنيا غريبة.. ​

وراحت ليلتي.. وزادت بلوتي..
اليوم موعدي.. أنا والحب بنلتقي.. ​

وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني أنساق للموت وهاذي نهايتي.. ​

مب سوالف شجاعة.. هذي أكبر بطولاتي..
إذا خسرت بتضيع أحلى امنياتي..
جلست أدور وألف وحول المكان أطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف.. ​

وفجاءة.. ​

وصلني مسج..
يقول..
سويتها فيك
إرجع لبيتكم وخل عنك هالسوالف ياتـعبان ​

روح نام ..
تعيش وتاكل غيرها

و سويتها فيك .. ​

:المرسل ​

الــــــــــــــــــوالدة ​

منــــــــقـــــول​

آسفة على الاطالة
وإن شاء الله تعجبكم وخلونا نشوف تعليقاتكم
تقبلوا تحياتي​

 

[ღ نبضات الفجر ღ]

●●

ههههههه اضحك الله سنك اختي
الحقيقة اعجبني كثيرا
مبدعة دوما في كل ما تطرحينه
اتمنى لك التوفيق
●●
[font="ae_granada"]
][لك مني أعذب تحية][


[/font]

 

[aJgJI pJIc]

مـسـكـيـنـ الـولـد مـا نـامـ و جـالـسـ يـفـكـر
و آخـرتـهـا تـفـشـلـ !!

 

[أسومي]

هههههههههههههه

يا ويل حالي أنا مع هالولد

راح فيها الخبل الله يعين أهله عليه

تسلمين ع الطرح الظريف

شكرا لك

 

[ومضة أمل]

لكم مني خالص التحاياعلى إطلالتكم المميزة
نبضات لك مني نبض حب
ومشرف عالم الرجل
وأسومي لكم منى كل الشكر

 

[روح المسافر]

هههههههههههههههههااااااااااااي

جوووووووووووووووووونااااااااااان

كدا الام ولا بلاش تكفش ابنها في الهبال

تسلمي غلاتي

تقبلي مروري

 

[أنيـ الروح ـسة]

ههههههههههههههه
من جد جووووونان